kicheru_yuk_1200x500
killer_baner_1200x500_2
kaytu_1200x500
previous arrowprevious arrow
next arrownext arrow

Карга ни өчен исемен әйтеп бетерми

Карга ни өчен исемен әйтеп бетерми?

(Башкорт халык әкияте)

Бердәнбер көнне карга күке белән очраша. Алар бер-берсенең хәл-әхвәлен сорашканнар. Күке карга белән хушлашып, үз юлына китә. Очып барып, бер агачка куна да бик матур итеп:

— Күк-кү, күк-кү,— дип кычкыра башлый. Карга моны ишетеп көнләшеп куя.

— Мин күке кебек үз исемемне әйтеп бетерә алмаммыни? Минем тавышым да көр, сыным да матур,— ди ул.

Шуннан соң карга: «Кар-га, кар-га»,— дип кычкырып йөри башлаган.

Бервакыт карга азык эзләп йөргәндә бер тургайны эләктереп ала да авызына каба. Шулчак тургай каргадан болай дип үтенә башлый:

— Агай, мин барыбер үләм инде. Шулай да исемеңне белеп үләсем килә. Син миңа үзе исемеңне әйтә күр инде,— ди. Моңа карга томшыгын кысып кына:

— Kapp, каррр,— дигән. Тургай:

— Минем колакларым бик бәләкәй, ишетмиләр, кычкырыбрак әйтә күр,— дигәч, карга авызын зур итеп ачып:

Игътибар!!!

Түбәндәге русча сылтанмалар - реклама бирүчеләр сайтына илтә. Аларга басып сайтларны ачсагыз, авторга шушы сәхифәне яхшырту өчен бераз акча килә, ә сез бернәрсә дә югалтмыйсыз. Сезнең өчен бу бер тиен дә тормый...

— Кар-га, кар-га,— дип кычкырган. Шуны гына көтеп торган тургай карга авызыннан очып чыгып та киткән. Карга тургайны куып караган, әмма яңадан эләктерә алмаган.

Шулай итеп, тургай үлемнән котылып калган. Карга үз исемен әйткәнгә бик үкенгән. Шуннан соң ул үз исемен бервакытта да тулысынча әйтми икән. «Kapp, карр»,— дип кенә кычкыра икән.

(Барлыгы 436 карау, бүген - 1 кеше)
@Mail.ru .