Брендламалар
* * *
«Сезнең песи Вискас алыр иде!»
Ә безнеке алмый.
Акчасы юк.
Шуңа төннәр буе
Күскесләрне аулый.
* * *
«Твикс» кебек татлы парлар идек
кич яткач,
Эт һәм мәчегә әйләндек
Таң аткач.
* * *
«Мин татарча сөйләшәм!»
Әгәр бик-бик теләсәң.
Әгәр бик-бик-бик-бик теләп,
чүт-чүт кенә түләсәң.
* * *
«Без булдырабыз!» Булдырсак —
Барсын да уздырабыз.
Ә булдыра алмаганда,
Булганын туздырабыз.
Марат Кәбировның Кызыклы афоризмнар китабыннан
(Барлыгы 45 карау, бүген - 1 кеше)