Җан теләгәнне эшләргә тән комачаулый
* * *
Кыюларга уңыш елмая. Һәм бераздан ыржая башлый.
* * *
Күзәтүсез калган яшь балалар күп очракта яшь ата-аналарга әверелә.
* * *
Эчүне ташлатуның иң ансат юлы — аны рецепт буенча бирү.
* * *
Мактаналмаганнар — акланалар.
* * *
Колланучылар җәмгыяте төзедек.
* * *
Мәгълумәт диңгезендә дә бер йотым белемгә сусап үлүең бар
* * *
Кызларга ошау өчен акыллы, чибәр, бай, яки песи булырга кирәк.
* * *
Кызлар колак белән ярата, әбиләр колак аппараты белән.
* * *
Җәмәгатьчелек фикере тудыруда җәмәгатьчелек фикеренең тәэсире бармы икән?
* * *
Бала үстерүдә иң мөһиме — әтисен дөрес сайлау.
|
Игътибар!!! Түбәндәге русча сылтанмалар - реклама бирүчеләр сайтына илтә. Аларга басып сайтларны ачсагыз, авторга шушы сәхифәне яхшырту өчен бераз акча килә, ә сез бернәрсә дә югалтмыйсыз. Сезнең өчен бу бер тиен дә тормый... |
* * *
Докторга акча бирү — ришвәт, официантка акча калдыру — тәрбиялелек билгесе. Берсе гомереңне саклап кала, берсе — кофе китерә.
* * *
Бары тик безнең халык кына жигулида барганда лексусның җитешсезлекләре турында сөйли ала.
* * *
Әгәр сезгә ошамыйм һәм мине күрәсегез килми икән миңа бармак төртеп күрсәтергә кирәкми. Ул бармагыгыз белән үзегезнең күзегезгә төртегез.
* * *
Мәхәббәт — фәннең фантазиядән җиңелүе.
* * *
Мәхәббәт арып үлә.
* * *
Марат Кәбировның Кызыклы афоризмнар китабыннан
