Татарча канатлы сүзләр
* * *
Проблеманы хәл итү өчен син проблема сыман уйларга, яшәргә һәм үзең дә шул проблемага әйләнергә тиеш.
* * *
Кайчагында үзеңнең бәхетле икәнеңне бары тик башкаларның көнләшүенә карап кына беләсең.
* * *
Эрос булган җирдә вирус була.
* * *
Йөрәккә боерып булмый. Ләкин кешенең боерып булмый торган әгъзалары бер йөрәк кенә түгел.
* * *
Данлыклы сантый булганчы, дансыз даһи булу артыграк.
* * *
Сатлык җаннар – долларга, патриотлар сумга сатыла.
* * *
Акыллыны тормыш өйрәтә, ахмакны — башкалар.
* * *
Егетләр, объектив булыгыз! Бөтен хатын-кызлар да ахмак түгел. алар арасында холоксызлар, хәйләкәрләр, агу теллеләр һәм сары чәчлеләр дә бар.
* * *
Бөтен кешегә дә ошап бетү мөмкин түгел, чөнки бар кеше дә югары зәвыкка ия булалмый.
* * *
Стаканның яртысы бушмы, тулымы икәне мөһим түгел. Ничә шешә калган? — шул мөһим.
|
Игътибар!!! Түбәндәге русча сылтанмалар - реклама бирүчеләр сайтына илтә. Аларга басып сайтларны ачсагыз, авторга шушы сәхифәне яхшырту өчен бераз акча килә, ә сез бернәрсә дә югалтмыйсыз. Сезнең өчен бу бер тиен дә тормый... |
* * *
«Дөресен әйт!» — дигән сүз тырышыбрак алдарга мәҗбүр итә.
* * *
Ирләр бөтен киемне дә идәнгә элә.
* * *
Озак яшәү сере – күбрәк җимеш ашагыз, ә бер-берегезнең җанын түгел.
* * *
Тылсымлы таякның озынлыгын үлчәмиләр.
* * *
Шуышыр өчен туганнар озак очмый.
* * *
Филнең сурәте һәр очракта диярлек үзеннән бәләкәйрәк була, ә бетнеке – зуррак.
* * *
Тормыш — театр, аны циркка әйләндерергә кирәкми.
Марат Кәбировның Кызыклы афоризмнар китабыннан
