Елмаю – матурлыкның иң арзан ысулы
* * *
Безнең иң яшерен серләрне күпме кеше саклый?!.
* * *
Фәлсәфи сорау: будильник уянырга булышамы, йокларга комачаулыймы?
* * *
Бушлай бирелгән киңәш – тәнкыйть, ә сатып алынган киңәш эшлекле ярдәм кебек кабул ителә.
* * *
Фикерен кешеләргә ыргытты. Таласыннар.
* * *
Әгәр «Тарзан»ны ахырдан укысаң, бу китап гадәти шәһәр кешесенең бөтен дөньяга кул селтәп, маймыллар арасына яшәргә китүе турында.
* * *
Миңа комсызлыктан дару бирегез. Күбрәк, күбрәк…
* * *
Ул шуный котсыз иде, хәтта чалгысын тотып килгән Әҗәл дә янына керергә базмыйча, бакчасындагы печәнен генә чабып китте. Берничә тапкыр.
* * *
«Ун ел инде базарда. Чыгу юлын табарга ярдәм итсәгезче.»
* * *
Гомер кыска булмаса, кеше үлемсезлек турында озаграк уйлана алыр иде.
* * *
Телевизорны шул кадәр еш карыйм, президентлар мине танып тора.
|
Игътибар!!! Түбәндәге русча сылтанмалар - реклама бирүчеләр сайтына илтә. Аларга басып сайтларны ачсагыз, авторга шушы сәхифәне яхшырту өчен бераз акча килә, ә сез бернәрсә дә югалтмыйсыз. Сезнең өчен бу бер тиен дә тормый... |
* * *
Ир-егет – аучы. Хатын-кызның бөтен капканнарына да эләгә торган аучы.
* * *
Хатынының хыянәте турында белгәч, әйберләрен җыйды да сөяркәсенә китте.
* * *
Юан корсак кәшилүккә генә килешә.
* * *
Һәр яхшы кешенең бер җитешсезлеге була. Һәм шул кимчелекне генә күрүче кешеләр була. Алар үзләрен нәрсәдән мәхрүм иткәннәрен аңлыймы икән?..
* * *
Алла алдында «король» дә «алтылык»
* * *
Бөтен нәрсәсе дә булган кешегә нәрсә бирергә мөмкин? Аның маңгаена гына бирергә мөмкин.
Марат Кәбировның Кызыклы афоризмнар китабыннан
