Канатлы сүзләр — Марат Кәбировтан
Ул үгез кебек көчле. Һәм шундый ук акыллы.
* * *
Хатирәләр язу өчен иң мөһиме — фантазия.
* * *
Ахмакларга акыл кергәч кенә хакимият үзгәрә
* * *
Җитди кеше кирәк чакта гына елмая. Һәм кирәкле кешегә генә.
* * *
Ахмакларны ходай яралта, ә интернет тигезли.
|
Игътибар!!! Түбәндәге русча сылтанмалар - реклама бирүчеләр сайтына илтә. Аларга басып сайтларны ачсагыз, авторга шушы сәхифәне яхшырту өчен бераз акча килә, ә сез бернәрсә дә югалтмыйсыз. Сезнең өчен бу бер тиен дә тормый... |
* * *
Этнең дуслыгы, дусның этлегеннән яхшырак.
* * *
Мин һәрвакыт уйлаганымны әйтәм, шуңа дәшмим.
* * *
Башта сүз булган. Тузга язылмаган сүз.
* * *
Эшең бәйрәм кебек тоелсын өчен хезмәттәшеңә гашыйк бул.
* * *
Югарыдан карамасаң, югарыдан күрә башлыйсың.
* * *
Үзең төзегән күперләрне яндыру җиңел түгел.
* * *
Явызның ялгышуы — аның яхшылыгы.
* * *
Чәйнәнү – ризалык билгесе
* * *
Бу дөньяда яшәүнең беренче җитмеш елы гына бераз кыенрак, соңыннан күнегелә.
* * *
Мин сиңа беркайчан да алдашмадым — җаваптан киттем, әйтеп бетермәдем, бераз фәстердем, дәшми калдым, азрак кыландым, ә алдашу — юк, алла сакласын.
* * *
Банк талаган кешеләрне дә төрмәгә утырталар, банкны талаган кешеләрне дә.
* * *
Интернет аркасында мин йокларга иртә ята башладым. Иртә белән.
Марат Кәбировның Кызыклы афоризмнар китабыннан
