Катеринага һәйкәл
Илдә кризис, дисең син…
Һич икеләнми әйтәм:
Бар бәладән коткарачак
Катеринага һәйкәл.
Шул һәйкәлне кую белән
Бар кризис бетәчәк.
Татар да күтәреләчәк,
Ил дә алга китәчәк.
Акча юклыктан ябылган
Мәктәпләр ачылачак.
Мәктәп өчен дәреслекләр
Татарча басылачак.
Бу һәйкәл бөтен дөньяга
Якты нур өләшәчәк.
Бөтен татар шушы һәйкәл
Янында берләшәчәк.
Монда хәтта урыслар да
Татарча сөйләшәчәк.
Безгә кадәрге буынның
Башы эшләп бетмәгән:
Бәхет өчен безгә шушы
Һәйкәл генә җитмәгән.
|
Игътибар!!! Түбәндәге русча сылтанмалар - реклама бирүчеләр сайтына илтә. Аларга басып сайтларны ачсагыз, авторга шушы сәхифәне яхшырту өчен бераз акча килә, ә сез бернәрсә дә югалтмыйсыз. Сезнең өчен бу бер тиен дә тормый... |
Әби патша бит ул! Аңа
Бурычлы һәрбер йөрәк.
Кеме бар тагын татарның
Шуннан да кадерлерәк?!.
Әби патшаның исемен
Җанга уярга кирәк.
Бер һәйкәл дә җитмәс әле,
Унны куярга кирәк.
