Хатын-кызлар — безнең йомшаклык
* * *
Хатын-кызлар — безнең йомшаклык. Балалар — безнең шатлык. Бер тапкыр йомшаклык күрсәтсәң — гомер буе шатланасың.
* * *
Эшсезлектән бушаган арада ни белән шөгыльләнәсең?
* * *
Әгәр берәрсе: «Акча барсын да хәл итә» — ди икән, димәк, аның акчасы юк һәм беркайчан да булмаган.
* * *
Россиянең бөеклеге турында көне-төне сөйләгән кешеләр булмаса, бу ил тагы да бөегрәк булыр иде.
* * *
Хатын-кызлар яраткан ирне бөтен хатын да ярата
|
Игътибар!!! Түбәндәге русча сылтанмалар - реклама бирүчеләр сайтына илтә. Аларга басып сайтларны ачсагыз, авторга шушы сәхифәне яхшырту өчен бераз акча килә, ә сез бернәрсә дә югалтмыйсыз. Сезнең өчен бу бер тиен дә тормый... |
* * *
Әгәр өлкән кеше үзен бала кебек тота икән, аны сакаллы сабый диләр. Әгәр бала кеше үзен өлкәннәрчә тота икән — балигъ булмаган җинаятьче.
* * *
Мәченең койрыгы никадәр кабарган булса, шул кадәр аңа басасы килә.
* * *
Изгелек эзләү күп очракта йодрык йомарлау белән бетә.
* * *
Мин еламыйм, бары тик язның соңгы көне күзгә керде.
* * *
Кутузов Мәскәүне яндырган — ә герой. Мин котлетны гына яндырдым — шундук, беткәнбаш.
* * *
Акыллы хатын үзе утырган җилкәне кисмәс.
* * *
Фикерләрен җыеп алырга теләгән иде, берсе дә җыелышка килмәде.
* * *
Чебурашканы җилле-давыллы кичтә ерткычларча кыйнап ташлаучыларның кемлеге ачыкланды. Үз колаклары булып чыккан.
* * *
Ул бик ялгыз – исерек килеш шалтыратырлык та кешесе юк
* * *
Акчаңны икеләтә күп итеп күрәсең киләме? Көзге алдына куй.
* * *
Ул нәрсә уйлый шуны әйтеп өйрәнгән, шуңа дәшми.
* * *
Бары тик өлкән буын кешеләре генә «инстаграм» дигән сүздән «сто грамм» дигән мәгънә ишетә ала.
Марат Кәбировның Кызыклы афоризмнар китабыннан
