Айнык килеш җырларлык җыр
* * *
Депрессия бары тик эшсез кешеләрдә генә була ала. Бары тик аларның гына үз хәлатен бәяләргә вакыты бар.
* * *
Сиңа булган сөюемне йөрәгемнең иң төбенә яшердем, аны хәтта паталогоанатом да таба алмаячак.
* * *
Айнык килеш җырларлык җыр да юк хәзер.
* * *
Сөйгәнемнең «кияр нәрсә юк»ларын куяр нәрсә юк.
* * *
«Акчасыз утыру җитәр!» — диде дә диванга сузылып ятты.
|
Игътибар!!! Түбәндәге русча сылтанмалар - реклама бирүчеләр сайтына илтә. Аларга басып сайтларны ачсагыз, авторга шушы сәхифәне яхшырту өчен бераз акча килә, ә сез бернәрсә дә югалтмыйсыз. Сезнең өчен бу бер тиен дә тормый... |
* * *
Бәхеттә коенырга теләүчеләрнең күбесе анда аягын чылатырга да кыймый.
* * *
Төркемнән аерылып чыгарга теләсәң, төркемнән аерылып чыгарга теләүчеләр төркеменә эләгәсең.
* * *
Теләгән бөтен кеше дә ябыгып бетмәсә, яз килмәскә мөмкин, дип хәбәр итә синоптиклар.
* * *
Ямьсез кешеләр белән бәхәскә кермәгез. Әгәр эшләр сугышка барып җитсә, аларның югалтыр нәрсәсе юк.
* * *
Тормыш – көрәш. Төшкә кадәр – ачлык белән, ә төшке аштан соң – йокы белән.
* * *
Бәхет үзенә күнеккәнне яратмый.
* * *
Кулыңа чүкеч алсаң, бөтен нәрсә кадак булып күренә.
* * *
Тормыш һәрчак бездән югарырак, чөнки гел башка суга.
* * *
Мин эчүне һәм тартуны ташладым да… аз гына алдаша башладым.
* * *
Бөтен яхшы нәрсәне балаларга бирегез, ә начарын алар үзләре эзләп табар.
* * *
Хезмәт хакын күтәрү курсларына җибәрүегезне сорыйм.
* * *
Ахмакларга берләшергә кирәкми — алар болай да күп.
Марат Кәбировның Кызыклы афоризмнар китабыннан
