Һәр үләннең үз чоры
* * *
Уйламас өчен кеше әллә нәрсәләр уйлап тапкан.
* * *
Берәр нәрсә килеп чыкмаса иде дип куркып эшләнгән эштән бернәрсә дә килеп чыкмый.
* * *
Кеше хәтеренең күп өлеше әллә кайчан онытырга кирәк булган нәрсәләрдән тора.
* * *
Интернет әҗәл сыман, яхшы кешеләрне чүпли.
* * *
Нәрсә эшләсәң дә гаепләүче табылачак, шуңа күрә җаның теләгәнне эшлә.
|
Игътибар!!! Түбәндәге русча сылтанмалар - реклама бирүчеләр сайтына илтә. Аларга басып сайтларны ачсагыз, авторга шушы сәхифәне яхшырту өчен бераз акча килә, ә сез бернәрсә дә югалтмыйсыз. Сезнең өчен бу бер тиен дә тормый... |
* * *
Йомык боҗрадан чыгу юнәлеше бер генә — 360 градуслы перпендикуляр.
* * *
Кешеләрне әрсезгә әйләндерүче иң төп җитешсезлек бүген «игелек» дип атала.
* * *
Иртә йоклаган егет соң өйләнә.
* * *
Хыялны чынбарлык белән чагыштыру, гадәттә, аерылышуга, я революциягә алып килә
* * *
Алдыйсың икән, соклангыч итеп алда — кешеләрнең дөреслеккә дә ышанасы килмәсен.
* * *
Һәр үләннең үз чоры.
* * *
Тамагыңны чылатсаң — аякка төшә, аягыңны чылатсаң — тамагың шешә.
* * *
Хәзерге заманда гади ахмакны очрату авыр, барсы да — югары белемлеләр.
* * *
Акыл иясе белән ахмакның әңгәмәсе һәр очракта да ике ахмак сөйләшүе кебек тәмамлана.
* * *
Хөкем карарын йомшарттылар – йомшак, ягымлы, назлы тавыш белән әйттеләр: “12 ел”
* * *
Алдашу һәрвакыт чиркангыч. Ләкин ул алдашу зур акчалар хакына булса, бу «сәясәт» дип атала.
* * *
Марат Кәбировның Кызыклы афоризмнар китабыннан
