Йөзек кирәк иде — бармак өши
* * *
«Куып җитәрбез, узып китәрбез Американы.» — Узып киттек, куып җитеп булмый.
* * *
Күршеләр мылтык алган. Боргымны статармындыр.
* * *
Кеше ахмаклыгының көчен санга сукмаудан да зуррак хата юк.
* * *
Йөзек кирәк иде — бармак өши.
* * *
Ходай да юмор ярата. Бигрәк тә һава торышы күзәтүләрен.
* * *
Бу авылда ике генә күңел ачу чарасы бар. Кызганыч, әле икесе дә йоклый.
* * *
Гадәттә, әйбәтлек йогышлы була. Әйбәт кеше янында үзең дә яхшырак булырга тырышасың, ул белемле икән, белемеңне арттырасың, юмарт икән – юмартланасың… Ә кайбер кешеләрдән хәтта чир дә йокмый.
* * *
Безнең чорда урамда балалар машиналардан да күбрәк иде.
* * *
Кан кызганда әйтелгән сүз салкын су белән коендыргандай тәэсир итә.
* * *
Йөзүнең йөз төрле ысулы бар. Батып үлүнең – бер генә.
|
Игътибар!!! Түбәндәге русча сылтанмалар - реклама бирүчеләр сайтына илтә. Аларга басып сайтларны ачсагыз, авторга шушы сәхифәне яхшырту өчен бераз акча килә, ә сез бернәрсә дә югалтмыйсыз. Сезнең өчен бу бер тиен дә тормый... |
* * *
Мин нәкъ сез уйлаганны уйлыйм. Тик аз гына башкачарак.
* * *
Сөйгәнеңне «кайнатма», «парга әйләнергә» мөмкин.
* * *
Бөркет оча алмаган җирдә чебен оча ала.
* * *
Яшь һәм зифа булып күренергә теләсәң, карт һәм юан кешеләр тирәсендә йөр.
* * *
Җәмәгать урыннарына иң нык ачуны чыгарган нәрсә — җәмәгать.
* * *
Танылган булып уянуның иң ышанычлы юлы — танылган булып йокыга китү.
* * *
Белмисең икән – дәшмә, беләсең икән – телеңне тешлә.
Марат Кәбировның Кызыклы афоризмнар китабыннан
