Шома юлда таеп егылу җайлы
Нәрсә телибез – шуный эшлибез, нәрсә кушалар – шуны телибез.
* * *
Нәрсә турында уйлаганыңны әйт, нәрсәң белән уйлаганыңны әйтермен.
* * *
Шома юлда таеп егылу җайлы.
* * *
Кешене вампир тешләсә, ул вампирга әйләнә, ди. Әллә сарыкларда да вампир сәләте инде.
* * *
Егылу урынын йомшарту өчен сүгенү сүзе кулланалар.
|
Игътибар!!! Түбәндәге русча сылтанмалар - реклама бирүчеләр сайтына илтә. Аларга басып сайтларны ачсагыз, авторга шушы сәхифәне яхшырту өчен бераз акча килә, ә сез бернәрсә дә югалтмыйсыз. Сезнең өчен бу бер тиен дә тормый... |
* * *
Аңлау һәм гафу итү генә җитми, гафу иткәнеңне онытырга да кирәк.
* * *
Компромат – компромис табу өчен иң уңайлы чара.
* * *
Үзгәреш җиле караңгы почмактан исә.
* * *
Әгәр хатын-кыз сүгенә икән — бу матур түгел. Әгәр хатын-кыз ике-өч урында эшли, ә ире диванда ауный икән — вәт, ичмаса, матурлык!
* * *
Без табигатьтә ял итәбез. Табигать бездә ничек ял иткән, без дә шулай ял итәбез.
* * *
Җитдилектән ахмаклыкка бер адым.
* * *
Тормыш – уен гына, ә футбол – җитди мәсьәлә.
* * *
Кешенең койрыгы юкка чыккан, ә койрык болгау теләге калган.
* * *
Чебеннәр карашыннан: ә кешедә яхшы нәрсә бик күп.
* * *
Минем йөргән кызым вампир бугай. Сарымсак ашаганнан соң һич кенә дә үбешеп булмый.
* * *
Ялгыш ычкынган сүз: “Кан белән сатып алынган җиңү…”
* * *
Элек минем арттан кызлар үзләре йөгерә иде. Соңыннан мин сумкаларын урлаудан туктадым.
Марат Кәбировның Кызыклы афоризмнар китабыннан
