Сөйгәнең фәрештә булсын дисәң
* * *
Итексез итекчедән, итәксез тегүче яхшырак.
* * *
Сер – һәрбер кешегә аерым-аерым сөйли торган вакыйга.
* * *
Тәкәбберлектән нур таралса, Казанда төн булмас иде.
* * *
Сөйгәнең фәрештә булсын дисәң, аны җәннәттә яшәт.
* * *
Байлар йортының подъездында гади домофоннар түгел, ә домоайфоннар тора иде.
* * *
Аерылышуыбызның төп сәбәбе – кавышу.
* * *
Дәшмәвегезне аңламаган кеше сүзегезне дә аңлый алмас.
* * *
Дини кешенең ике юанычы бар: гөнаһ кылу һәм тәүбә итү.
* * *
Авызыннан сасы ис килүчеләрнең һәрвакыт синең белән генә уртаклаша торган бер сере була
* * *
Вакыт дәвалый. Аны аптекада сатарга кирәк.
|
Игътибар!!! Түбәндәге русча сылтанмалар - реклама бирүчеләр сайтына илтә. Аларга басып сайтларны ачсагыз, авторга шушы сәхифәне яхшырту өчен бераз акча килә, ә сез бернәрсә дә югалтмыйсыз. Сезнең өчен бу бер тиен дә тормый... |
* * *
Аның абруен төшерергә теләгәннәр иде. Тапмадылар.
* * *
90 елларда фатир алу турында хыяллана алмый идек, ә хәзер хөррият: күпме телисең — шулкадәр хыялланырга мөмкин.
* * *
Хакимият көндәшлекне яратмый. Урлашма!
* * *
Мәңге яшәр кебек урлашканнар гомеренең һәр көнен соңгы көн кебек үткәрә.
* * *
Кершән астына яшерелгән сер хатын-кыз дип атала.
* * *
Марат Кәбировның Кызыклы афоризмнар китабыннан
